Qavslar muvozanati tekshiruvchisi (Bracket Validator)

Bu — "Stack" bo'limining yakuniy mashqi. Bo'lim davomida siz LIFO (Last In, First Out) tushunchasini, push va pop amallarini hamda stack ning amaliy qo'llanishini (tarix, bekor qilish) o'rgandingiz.

Bu bo'limda o'rgangan asosiy vositalar:

LIFO — oxirgi qo'shilgan element birinchi chiqadi
stack.append(x) — push (tepaga qo'shish)
stack.pop() — eng tepadagi elementni olib chiqish
if not stack: — stack bo'sh ekanini tekshirish

Qavslar muvozanati — stack ning klassik qo'llanishi: har ( ni stackka qo'shamiz, har ) uchun stackdan bittasini olib tashlaymiz. Oxirida stack bo'sh bo'lsa — ifoda muvozanatli.

📝 Vazifa

Bu darsda stack ning klassik amaliy masalasini yechamiz — qavslar muvozanatini tekshirish. Dasturlash tillarida, matematik ifodalarda qavslar to'g'ri ochilgan va yopilgan bo'lishi kerak.

Misollar:

Kiritish	Chiqish
`(())`	Muvozanatli
`(()`	Muvozanatsiz
`((()))`	Muvozanatli
`)(`	Muvozanatsiz
`()()`	Muvozanatli

Dastur yozing:

Ifodani kiriting
Stack yordamida ( va ) qavslar muvozanatini tekshiring
"Muvozanatli" yoki "Muvozanatsiz" chiqaring